Kidung Sembahyang

PANGAKSAMA

KAWITAN WARGASARI

PURWAKANING ANGRIPTA RUM,

NING WANA WUKIR
KAHADANG LABUH
KARTIKA PANEDENGING SARI
ANGAYOM TANGULI KETUR
ANGRINGRING JANGGA MURE

WARGASARI

IDA RATU SAKING LUHUR
KAULA NUNAS LUGRANE
MANGDA SAMPUN TITYANG TANDRUH
MENGAYAT BETARA MANGKIN
TITYANG NGATURANG PEJATI
CANANG SUCI LAN DAKSINA
SAMI SAMPUN PUPUT
PRETIKANING SAJI


ASEP MENYAN MAJAGAU
CENANA NUHUR DEWANE
MANGDA IDA GELIS RAWUH
MIJIL SAKING LUHURING LANGIT
SAMPUN MEDABDABAN SAMI
MARING GIRI MERU REKO
ANCANGAN SEDULUR
SAMI PADA NGIRING

OM KSAMA SWAMAM PUKULUN
SADOSA TRI KAYANE
MANUSA NIRA ATI JUGUL
PANGKAH MANGATURANG GURIT
RING PADA DWAYA SANG LUWIH
SADANANING WONG ANEDA
SIH IRA HYANG KASUHUN
MUGI SIDA MANGUN TREPTI

PANGAKSAMANE KALUHUR
MANUNAS WARA LUGRANE
MANAWI IWANG NE KATUR
AGUNG RENA MATUR SISIP
CANANGE ASEBIT SARI
ICA BETARA MANONTON
NODYA SAKING LUHUR
MAMUPUTANG SAMI


MEGATRUH

ATUR TITYANG PARA SISYA
LINTANG JUGUL
PANEMBAHE RING HYANG WIDI
TAN PAMANTRA TAN PASUGUH
BAKTI ANTUK MANAH ELING
ELING MARING RAGA BELOG

MUKYA WALYA IRA SRAYA
SEMBAH INGSUN
KSAMA YA TAN PANGESTI
ASUNG ASIH HYANG PUKULUN
MANUGRAHA MARING MAMI

MANGDA KASIDANING DON


ADRI

EGAR MANAH IRA NGESTI AYU

NGESTI BETARANE

KALIH IDA SANGHYANG WIDI

MUGI IDA ICA NERUS

BETEL KANGIN BETEL KAWUH

NGULAYANG KAWELAS HARSA

ANGESTIANG BRATA SADU

NGESTI IDA HYANG BETARA

NUNAS SARINING AMERTA

ASEP MENYAN MUANG KUKUS HARUM

IRINGAN PUJANE

DINULUR GANDANING SARI

TEJANING SANG HYANG TUMURUN

MANJING RING BUDI UMANGUN

MANYUSUP RING CITA MENGKE

MANINCAP RING RASA SAMPUN

WUS MALINGGA RING ADNYANA

JENEK NYENENG RING HREDAYA


MERDU KOMALA

ONG SEMBAH NING ANATHA

TINGGALANE DE TRI LOKA SARANA

WAHYA ^ DYATMIKA SEMBAHING HULUN

IJENG TA, TAN HANA WANEH

SANG LUIR AGNI SAKING TAHEN KADI MINYAK

SAKING DADI KITA

SANG SATSAT METU, YAN HANA WANG

AMUTER TUTUR, PINAHAYU

WYAPI WYAPAKA

SARINING PARAMA TATWA,

DURLABA KITA ICANTA ANA TAN HANA

GANALALIT, LAWAN ALA AYU

UTPATI-STITI LINANING DADI

KITA TA KARANA NIKA

SANG SANGKAN PARANING SARAT

SEKALA LAN NISKALA ATMAKA KITA


M I J I L


SAPITUDUH IDA SANGHYANG WIDI

AYU LAWAN KAWON

TATAK MANGDENE TANGGEN KAYUNE

WIREH IDA MAPAICA URIP

RING SANG MANUMADI

YOGYA IDA SEMBAH SUWUN

SIYANGDALU PATUTE ASTITI

TANGAN CAKUP KARO

SEKAR KUKUS HARUM PIRANTINE

MANGDA PAGEH ADNYANANE NGILIS

MENGARCANA WIDI

BAKTINE MANGDENE TUMUS

NULIS TUTUR DARMA SASTRA AJI

ANTENGE MEMAWOS

NGRANJING BAKTINE RING HYANG WIDI REKE

RING MERAJAN NGUDUD NYAMPAT APIK

MASI TANDA BAKTI

RING IDA HYANG MAHA AGUNG



T O T A K A


SASIWIMBA

HANENG GATA MESI BANYU

NDAN ASING SUCI NIRMALA MESI WULAN

IWA MANGKANA RAKWA

KITENG KADADIN

RING ANGAMBEKI YOGA

KITENG SEKALA

KATEMUNTA

MAREKA SITAN KATEMU

KAHIDEPTA MAREKA SITAN KAHIDEP

KAWENANGTA MAREKA

SITAN KAWENANG

PARAMARTA CIWATWA

NIRA WARANA


SWANDEWI

PRIHAN TEMEN DARMA

DUMERANANG SARAT

SARAGA SANG SADU

SIREKA TUTANA

TAN ARTA TAN KAMA

PIDONYA TAN YASA

YA SAKTI SANG SADNYANA

DARMA RAKSAKA

SAKAN IKANG RAT KITA

YANG WENANG MANUT

MANUPA DESA

PRIHATAN RUMAKSA YA

KSAYA NIKANG PAPA

NAHAN PRAYOJANA

JANA NURAGA DI

TWIN KAPANGGUHA


ADRI REREPEN


TEMBANG ADRI PENGASTAWA AYU

NGASTAWA IDA BETARA MANGKIN

NGASTITI IDA HYANG WIDI

DASA INDRYA SAMI KUMPUL

PANCA WISAYANE KUMPUL

MULIH MARING RASA SUKLA

RING PUTIH ATI MANERUS

BAYU SABDA IDEP SUKLA

MANGREGEP PRANAWA SUKLA

MECARU

WARGASARI

BUTA YADNYA BANTEN CARU

SAKSI PANGUNDANG BUTANE

SEGEHAN SATO BERUMBUN

TABUHAN SEREGEP SAMI

GELARANG MANTRA PEJATI

PANGLUKATAN WATEK BUTA

SAMI SAMPUN NYUKUH

MANUT BANTEN SIJI-SIJI

BUTA DENGEN SIDA MANTUK

MARING BUTA KALIKANE

BUTA KALIKA TUMURUN

LUKAT DENING DURGA DEWI

DURGA UMANE MENAMPI

PANGLUKATAN DURMANGGALA

ANTUK SANGHYANG GURU

SANGHYANG TUNGGAL PACANG NAMPI

NUHUR TIRTA

ADRI REREPEN

TIRTA UTAMA SAKTI MANERUS

PAICAIN KAULANE MANGKIN

NE SANDI MAPASUPATI

PANYUPATAN LARA AGUNG

SALWIRING LARA KASEPUH

HILANG MOKSA MARING SUNYA

LETUH HILANG ALA DUDUS

KATIBENIN ANTUK TIRTA

PAICAN IDA BETARA

A D R I

SINGGIH RATU SANG HYANG SINUHUN

KAULANE MANGKIN

NUNAS TIRTA MAHASUCI

TIRTA AMERTA KANG SINANGGUH

PANGURIP SARWA TUMUWUH

SANJIWANI YA ARANA

DASA MALA WUS KINANYUT

DADYA LUKAT TAN PEMALA

ATI SANTA PARISUDA


WARGASARI


TURUN TIRTA SAKING LUHUR

MANYIRATANG PEMANGKUNE

MEKALANGAN MUNCRAT MUMBUL

MAPAN TIRTA MERTA JATI

PAICAN BETARA SAMI

PANGLUKATAN DASA MALA

SAMI PADA LEBUR

MALANE RING BUMI

PAMUPUT

M I J I L

SAMPUN PUPUT MANGATURANG BAKTI

TANGAN CAKUP KARO

MENGATURANG SUKSEMANING

MADULURAN PARAMA SANTI

OM SANTI, SANTI, SANTI

PARIPURNA RAHAJENG IKU

LAIN-LAIN

BRAMARA

OM OM SEMBAH NING ANATA

DUMADAK JWA KA AKSI

MUNGGWING PANGEBAKTIAN TITYANG

DYASTUN TUNA LANGKUNG SAMI

PAKIRANG ARTA WIBAWA

NISTA SOLAH LAWAN WUWUS

MIWAH BANGET TUNA BUDI

KEWANTEN SREDANING MANAH

MIWAH KATLEBANING ATI

KALAWAN ELING TAN PEGAT

KEANGGEN MENYANGGRA MANYUWUN

SUWECAN IRATU SANG LUWIH

RARA KADIRI

RYANGKAT SRI NARAPATI

GUMURUH LAMPAHING BALA ANGIRING

LINTANG SAKING ALAKSA

SAMAYA LWIR GUNUNG

GONG GENDING AMBARUNG

RASA BELAH KENA MAHETALA

LAKUNING BALA ANGIRING

SAHA SANJATA PUNANG WONG


KAMA MALA

KADI HARSANING TARU LATA

ANGAYAM-AYAM LABUH KAPAT

SUKANING SAKENDRAN I DATENG NRPA SUTA

Sumber : Blog Sanggraha Pinandita.